باختصار قصتنا اللها اكثر من جزء .. وهاد الجزء الاول
طبعا احداث القصة تدور بالاردن ... وهناك توضيح باسماء المناطق ( للي ما بيعرف !!)
وبطل قصتنا هو تامر وتامر عبارة عن شب طنط (شب دلوع وفافي من الاخر)
نبلش القصة
عبدالدفش : وين رايح يا فرفور
تامر : ما بعرف
عبد الدفش : له له , مالك شو اللي مظايقك
تامر : معلش عمو ممكن تتركني بحالي
عبد الدفش : لا وحياة من جمعنا من غير معاد مني تاركك احكيلي , شو في
تامر : عمو بلييييز يعني خلص هلأ بنزل من التاكسي
عبد الدفش : انا كنت بدي اساعدك مش اكثر
تامر : بشو بتقدر تساعدني , ممكن ترجعلي الجيرلفريند تبعتي , ويلا ممكن تئنع بابا يشتريلي الرنج سبورت , سوري بس ما فيك تعمل اشي
عبد الدفش : جيرل فرند يعني موزة قصدك هي سهلة انت حكيلي مين زبطها وانا بمشرطلك اياه
تامر : تيب انت عندك اكاونت على الفيس بوك ؟
عبد : بلشنا تطعيم (تطعيم يعني التعكيم في الحكي), شو اكاونت وما اكاونت
تامر : شو تتعيم هو احنا مريدين لا سمح الله انا ئصدي عشين تعرف مين الي سرء الجيرلفرند مني لازم تشوفو على الفيس بوك .
عبد : انت قولي بأي حارة ساكن وما عليك بالباقي
تامر : يا عمو شو حارة وما حارة , هيدا يلي اخدها مني ساكن بفلوريدا
عبد : يا اخي سامع فيها هي , مش هي بتيجي بعبدون (عبدون هي منطقة في عمان منطقة من الاخر صح وسكانها اصحاب الليرات والهاي كلاس)
تامر : هههههههه لا عمو هداك كوفي شوب , انا ئصدي عن فلوريدا الي في امريكا
عبد : يستر على ولاياك احنا مش قد امريكا احنايا دوب على قد المخيم .
تامر : وااااااو انت ساكن بمخيم ؟؟
عبد : اه وليش مستغرب
تامر : عمو بلييز بلييز ازا بدك تساعدني خدني هناك , من زمان وانا بسمع عنو ونفسي اروح عليه
نفسي اوخد صور وانزلهم على الفيس بوك . رح تكون رحلة كتير نايس , بلييز عمو خدني هناك
عبد : لا شو اوخذك وما اوخذك , بخاف عليك انا (ههههه معاه حق عبد لانوا المخيم يعتبر مقبرة الي زي اشكال تامر ،عكس عبدون)
تامر : ازا ما بدك توخدني بنزل وبوخد تاكسيتاني وبئولو يوخدني
عبد: امري للـ الله , بس اسمع مليش دخل انابنزلك هناك ومنك لحالك اتصرف
تامر : اوكي
عبد : هينا وصلنا , اسمع هالنصيحة من اخوك الدفش , ما تطلع على اي بني ادم وخليك ماشي بحالك , وخد هي رقم تلفوني لما بدك تروح , هاد اذا روحت
تامر : مرسي كتير عمو دفش
فكركوا شو بصير في تامر رح يتشفر ولا رح ينخطف ولا شو الاحتمالات الممكنه؟
خليكوا معنا في حلقات تابعه وانتظرونا في الجزء الثانيه ورح تعرفو كل الحقائق
الجمعة 26 أبريل 2024 - 11:23 من طرف Abd
» وفاة 30/7/2013 : جمال ابراهيم علي الحروب
السبت 30 مارس 2024 - 14:14 من طرف Khaled.j
» جميع حلقات سيف النار
الجمعة 1 مايو 2020 - 8:36 من طرف monusorry
» اسماء المرشحين في انتخابات بلدية خاراس القادمة!!!!!؟؟؟؟
الإثنين 26 أغسطس 2019 - 22:08 من طرف جوليانا
» د.ناصر اللحام رئيس تحرير وكاله معا يصف خاراس
الإثنين 26 أغسطس 2019 - 22:05 من طرف جوليانا
» تهنئة العضو القدير khamdan بالخطوبة
الإثنين 26 أغسطس 2019 - 22:02 من طرف جوليانا
» مشكلة المياه في البلدة والقرى المجاوره
الأحد 25 أغسطس 2019 - 22:35 من طرف جوليانا
» شات عربي
الأحد 25 أغسطس 2019 - 22:16 من طرف جوليانا
» صور من خيمة التضامن مع الاسير ثائر حلاحلة في خاراس
الجمعة 25 مارس 2016 - 23:12 من طرف سامر2015
» الانتركم مرئي وصوتي ماركات عالمية وأجهزة انذار ضد السرقات
الجمعة 25 مارس 2016 - 11:44 من طرف سامر2015