الرئيسية
من طرف (الحلقة الاولى)- المشهد الاول _/ليلة أول يوم بالسنة/_المكان/دارنا/
كبير حالو عندو بكرة الصبح أول يوم بالمدرسة. الساعة صارت 11.30
والشب فاتح النت
والمقعد والماسنجر كالعادة
الاب: يا بنيي قوم حسسني إنو عندك توجيهي
يعني أقل ما فيها نام بدري عشان
نعرف نصحيك بكرة
كبير حالو: طيب طيب طيب حكينالك خمسة وقايمين >> إلو من الساعة 10.30
بيحكي خمسة وقايم
الاب: يا بنيي والله لازم تكون مهتم أكتر من هيك عند مستقبل والسنة الجاية
مهمة أكتر اشي ومستقبلك بتوقف عليها
كبير حالو (عم يحكي بعقلوا): شو هالمصيبة إللي أجتنا بآخر النهار الواحد
زهق هالمحاضرت .. أحسن أشي أحط الهيدفون ولحالو هيبطل يتكلم
كبير حالو حط الهيدفون ووبيسمع شوية أغاني وصلتوا جديدة
الاب: إنتا بطل منك فايدة أنا رايح أنام ويجعلك ما نمت
كبير حالو: خخخخخخخخخخخخ زبطت الخطة
صارت الساعة 12 وأجت امو
الام: يا كبيرمش عندك بكرة مدرسة ولا أنا غلطانة.. شو بتعمل لهلأ هالكمبيوتر؟؟!!
كبير
حالو: بنزل تدريبات انجليزي ونماذج امتحانات>> ينعن أبو الكزب
الام: طيب يا ماما الله يوفئك بس لا تطول عشان تعرف تنام بدري
وبكرة بتكمل>>مشت الكزبة زي السلام عليكم
وكبير حالو مستمر عالنت ونازل دردشة وبرم وما صارت الساعة 12.45 إلا هوا
الماسنجر صار زي الصحراوفش حدا اون لاين غيري
كبير حالو حس بإنو زودها عالاخر وكل الناس راحت تنام عشان عندها مدارس
وجامعات وهوا قاعد
المهم الشب سكر الجهاز وحط راسو وأجىينام
واتقلب اتقلب يا كبير ومش جاييك نوم قام راح عالصالة وفتح
التلفزيون وطبعا أول اشي بنفتحو روتانا(مش هتئدر تغمض عينيك)
كانت جاية (حاحة وتفاحة) طبعا الاشي قديم بس بنتسلى شوي
خلصت وكبير مصحصح ولا عندو أي استعداد ينام
اقلب رحنا على ميلودي افلام كانت جاية (خالتي
فرنسا) وبرضو قديييييمة بس شو بدنا نعمل حضرناها
وكبير مصحصح وملك زمانو الولد ولا كإنو عندو دوام دراسي
صارت الساعة 2وفش أي شعور بالنعس
وهيييييييك لل4.15 أدن الفجر وصلينا وقعدنا شوية وما أجى النوم غير عال5.30
يعني الناس بتصحى عال5.30 وأنا نمت بهالوقتالمهم صحيت
على رن الجوال صاحبي بيحكيلي يلا انزل هيني تحت البرج
بطلع بالساعة إلا هيا 6.30
سكرت الجوال وصرت أجري جري غسلنا وجهنا
وزبطنا اللوك وأخدت الجوال>> شوف الانحراف من اول يوم
المشهد التاني// بالشارع والمدرسة
وطلعنا وصرنا بدنا سيارة تاخدنا من سهل على مدرسةذكور؟؟؟ ؟؟؟؟ للبنين
والله ربنا بعتلنا سيارة أخدتنا هناك وما اتأخرنا .. وصلنا المدرسة ووقفنا
بالساحة وقفة غبية جدا
ولما طلعت الهيئة التدريسية >> زي إلي عنجد صاروا ينادواعالكشوف
ويوزعوا الصفوف أنا وصاحبي كل واحد بصف يعني زي كإنهم
بعرفوا إنو مش لازم نكون بصف واحد دخلنا هالصفوف.. وقعدنا عالكراسي إللي
بكرههاا..إللي جنبي كان ( غامض وصامت) على رأي أحمد مكي
يعني الولد ما بستقبل ولا برسل عامل زي الجوال إللي مافي شحن
حكيت السنة مبينة من أولها ...وأجى استاذ الفيزيا من اول حصة صار يراجع
بمعلومات السنة إلليفاتت
والمفاجأة إني طلعت متذكر الاشي المهم أجي تبع الانجليزي صار يتهابل ويعطي
محاضرات ونفسو تبع الرياضيات
وأخيرا أجت الفسحة..طلعناقبل ما تطلع روحي من القعدة
واتجمعنا وأجى خبر إنو بعد الفسحة في ترويحة
والله وفعلا ما لقيناهم إلا فتحوا الباب ومسكنا حالنا وروحناوطبعا
كبير حالو كان بيحلم بالسرير لإنو مش نايم بالمرة وروح عالبيت وحط راسو
وما رفعها للساعة 5 العصر عشان عندو درس رياضيات........
[وحدهم المديرون لديهم صلاحيات معاينة هذه الصورة]وهيك خلصت [وحدهم المديرون لديهم صلاحيات معاينة هذا الرابط]الاولى [وحدهم المديرون لديهم صلاحيات معاينة هذه الصورة]
بتمنى انو تكون عجبتكو
يا ريت اشوووف تفااعل عشان انزل بااقي الحلقات
ولا انتو حريييين
» وفاة 30/7/2013 : جمال ابراهيم علي الحروب
» جميع حلقات سيف النار
» اسماء المرشحين في انتخابات بلدية خاراس القادمة!!!!!؟؟؟؟
» د.ناصر اللحام رئيس تحرير وكاله معا يصف خاراس
» تهنئة العضو القدير khamdan بالخطوبة
» مشكلة المياه في البلدة والقرى المجاوره
» شات عربي
» صور من خيمة التضامن مع الاسير ثائر حلاحلة في خاراس
» الانتركم مرئي وصوتي ماركات عالمية وأجهزة انذار ضد السرقات