الرئيسية
وين ايام المنتدى وقت انو ما كــــــــان
يجمعنا بالحبايب من قريب ومش زمان
كنا ندخل والبسمة على شفايفنا نضحك
اعضاء خفتهم احلى من عصير الرمان
وحياة الرب غلاوتهم بالقلب محفورة
وان غابو وغبنا الهم الفضل والعرفان
هم في غنى عن التعريف ان سالتوا عنهم
هم البذرة والاساس واولهم عبد الرحمن
وثانيهم ابو عرب الحبيب وثالثهم ابو يمامة
والرابع كوافير وشيك بالبسمة وجهو مليان
والخامس الله يرحم ايامو حبيبي ابو حرب
والسادس برنس أي والله انو بزمانو سلطان
والسابع عقرب اسود صاحب بعد نظر وحنكة
والثامن عبد الغني مزهزه وببسط الزهقان
والتاسع عاشق صدام ويا عيني لما يجلى
والعاشر يارا زياد بغيابها المنتدى عطشان
هيهم عشرة ولا تقولوا وين البقية عنهم
لا والله ما نسيت قدهم مرتين كمان وكمان
اذا بدك تعرف هاي الزمرة وعلى حقيقتها
شوف بصماتهم بالمنتدى هي اكبر برهان
اتصفح مواضيعهم واقرأ ها وراح تشوف
انها منبع الماء اللي راح اتغادرو رويان
اسفي عليك يا زمن والدنيا دوارة وغدارة
اجا اليوم اللي يتهموني باني مهستر وسكران
بنظرهم صحيح قرار وما فيه أي رجعة
حقكو علي يا جماعة نزوة والله يلعن الشيطان
بس اذا ممكن طلب ولو بدنا انغلبكو مرة
اتصفحو المنتدى لانو من فترة صغيرة خربان
مواضيع اتهز الارض وردود الله عليها
طبيخ ومسخرة ومشكورة يا ام شعبان
الا من رحم ربي والهم التقدير والاحترام
وبلحقهم بالركب المؤسس وهم للمنتدى رهان
واذا ظليتو مثل ما انتو الامر راجع الكم
فاقرأوا على المنتدى السلام وحذروا الاكفان
بكفينا مسخرة لانو المنتتدى ساحة ثبات
افادة واستفادة مش واحد داخل على دكان
كلامي واضح ومقصود ومضمونو صريح
غيروا هالسياسة لان الواحد مل وصار طهقان
هذا الكلام الو ناس تفهموا وتحلل معناه
والباقي ان قرأ وما اقتنع انا مش سألان
مهداة الى الناس اللي فاهميتني في المنتدى
فارس الجنوب
» اداة ذكاء اصطناعي للباحثين وطلاب الدراسات العليا
» وفاة 30/7/2013 : جمال ابراهيم علي الحروب
» جميع حلقات سيف النار
» اسماء المرشحين في انتخابات بلدية خاراس القادمة!!!!!؟؟؟؟
» د.ناصر اللحام رئيس تحرير وكاله معا يصف خاراس
» تهنئة العضو القدير khamdan بالخطوبة
» مشكلة المياه في البلدة والقرى المجاوره
» شات عربي
» صور من خيمة التضامن مع الاسير ثائر حلاحلة في خاراس