طشة وهشة ونشة على شرف ابو النور

LeO: _.·[مدير إداري ]·._; الجنس :
البرج :
عدد المشاركات : 2042
العمر : 35
البلد : فلسطين_خاراس
الحالة الاجتماعية : اعزب
التخصص : محاسبة
نقاط النشاط : 1270
الاعجاب : 34
المهنة :
المزاج :
الدوله :

البطاقة الشخصية
my sms: من يطارد عصفورين يفقدهما معاً

مساهمة رقم 1

طشة وهشة ونشة على شرف ابو النور

من طرف LeO الأحد 29 نوفمبر 2009 - 2:10

مرحبا يا أعضاء منتدى خاراس المحترمين
رح أخبركم هالقصة عن شوية اعضاء من المنتدى
والقصة رح تكون مصورة
ركز معي : بدك تستنى شوي حتى يحملوا الصور وبدك تتحمل

بسم الله نبدأ

قبل فترة طل علينا قمر عزيز على قلوبنا وشرفنا في بلده اللي هو العضو العم الفاضل أبو النور
وقرروا الشباب انهم يتسغلوا طلة ابو النور ويكرموه لانو ما قصر بحق المنتدى
ولمينا حالنا وعزمنا ابو النور على طشة وهشة ونشة
وشرفونا بالطشة حبايبنا من دورا

وكان من الحضور
ابو النور ، المدير العام ، ابو عرب ، العقرب الاسود ، قلب البحر ، ليوناردو ، الكوافير
توم كروز ، البرنس ، عاشق المرينقي ، العقيد ابو ميلاد ، المشاكس ، المدمر ، مهند عثمان ، abu yazan

مكونات الطشة : الأعضاء ، السيارات ، جاج ، كباب ، كولا ، بزر : شوية هقش ، موز
فحم ، كانون ، مخدات وجنابي

ورحنا على منطقة من اروع مناطق خاراس اسمها الرسم
اول شي رح نبدأ بصورة لجميع الاعضاء اللي كانوا موجودين
وهاي الصورة

كان مقرر المدير العام والكوافير انو ما حد يركب في سيارة الكوافير يعني نخليها للأغراض
بس شوفوا شو صار
4ورا و3 قدام

وسبب المشكلة هاي عاشق المرينقي
لانو ما طلع معنا من البلد الحج كان بصوريف لانو سيارتو كانت مريضة
وما بقي غير سيارة الكوافير نطلع فيها
وشوفوا شو صار معنا بالطريق
لانو حمل السارة كان كبير واحنا كنا ماشيين في طريق مليانة بالحجار ضربت السيارة من تحت بالارض وصار خلل فيها

واضطرينا ننزل كلنا من السيارة ونكمل الطريق مشي

وأخيرا اوصلنا بعد تعب كبير من المشي
وأول ما وصلنا المنطقة استغلينا الفرصة واخذنا كم صورة

وهسة اجا دور الشوي والاكل

وينك يلي جعان

وبعد ما اكلنا والحمد لله شبعنا قعدنا مع بعض نحكي ولانو الجو كان بارد شوي ولعنا نار
وكان في جو من المرح والمزح

يا سلام ما الذ الدفى
اتمنيناكوا تكونوا معنا
راحت عليكوا
يلا خيرها في غيره

وبعد ما شبعنا من الضحك والمزح ليلت الدنيا علينا فحملنا حالنا وروحنا
وبالطريق قررنا نكمل السهرة في منتزه دريم لاند في نوبا
وأول ما وصلنا دخلنا لعبنا بلياردو وتنس

اول شي بنبدا بلعبة المدير العام والبرنس والنتيجة البرنس غلب المدير العام

هسة بنيجي لعاشق المرينقي الرابح في لعبة البلياردو مع واحد نوباني

اها جينا للعب الصح
اول لعبة كانت مع المدمر والنتيجة كانت لصالحي 11-3
ثاني لعبة كانت مع البرنس والنتيجة كانت لصالحي 11-5

وصلنا لاخر محطة
بعد ما كمل دوري أبطال منتديات خاراس
رحنا قعدنا على الانجيل ولعبنا لعبة واحد يسأل وواحد يجاوب
وخذلك عاد احراجات وأسئلة بتوجع القلب وين يابا كاين مخبي هالمعلومة انفضحت

وبعد يوم ولا احلى كل واحد راح في جهة
المدير العام والكوافير وابو عرب راحوا يوصلوا ضيوفنا من دورا
وابو النور ومهند والعقيد روحوا على بيتهم
وعاشق المرينقي اختفى في المدور
والعقرب الاسود والبرنس وتوم كروز وليوناردو كملوا السهرة عند العقرب على لعبة شدة كانت من الاخر
وما بدي احكي النتيجة بلا ما احرج بعض الجماعة تحياتي يا عقرب يا ابو شريك
واخر شي صورة للمدير العام جنب سيارة الكوافير

وهاي صورة في طشة غير طشة اليوم
ل العقرب الاسود و توم كروز و ليوناردو دي كابريو

توتة توتة خلصت الحتوتة
اوووووووووووف
اخيرا انتهينا من القصة
وانا مليت وتعبت من الرفع والتعديل والتصغير والتكبير والكتابة
ويعطيكوا الف عافية
والسلام عليكم

مع تحيات المصور والمصمم والكاتب
leonardo di caprio
خلدون الحروب
ABUGDI