الفرق بين البنوته و المستبنته

:uihg: الفرق بين البنوته و المستبنته:
البنوته
لما بتشوفك بتحكيلك هااااي !! أو مرحبا
!! او بنسوار !!!! و ازا ما بتقرف
بتسلم بأطراف صوابيعها !!و يمكن تبوس
خدك و تعبطك ازا ما بتكش و بعدين
بتشنكل ايدها بإيدك و بتمشي و بتميل
راسها على كتفك...
المستبنته:
بتشوفك من بعييد بتصيح على كل
الشارع محممممد وين يا أبو الشباب !!! عامل
حالك مش شايفني!! و لما بتسلم بتقوللك
على العافية يا أبو الجماجم مشطفلنا
هاليومين ولا مسجات و لا رنات و لا اشي و
بتضربلك حته دين كيف بتروح بعديها
على طول على الاسعاف و بتجبصن
أيدك....بتبوش شواربك زي الولاد و بتحط أيدها
على كتفكو بتكمل ...
البنوته:
بتدخل على غرفتها بتلاقيها نظيفة و
مرتبه و كلها دباديب و ألعاب و باربي و
أساور و إكسسوارات و كل انواع المكياج و
يمكن تلاقي صور مغنيين أجانب او عرب
مش مشكلة زي فضل شاكر اليسا مروان خوري
و هاي الشلة..و كل أكم من يوم بترتبها
و بتزبطها فهيك ما بتغلب امها..
المستبنته:
بتلاقي باب الغرفة مخلوع و محطوط عليه
إشارة (stop , keep out) أو إبعد ...و
في إحتمال تلاقي لغم على الباب فلا
تستغرب!! بتدخل بتفكر حالك مخربط و داخل
الحمام بدل غرفتها !! التخت مخلوع و الو
20 سنة ما إترتب...كل الحيطان مخربشة
و ملصقة و مئشوطة... كل الحبط بوسترات
لاعبين غول و يمكن توصل لمصارعين!!
الأواعي مرميين في كل مكان الكنادر
الريحة يا حبيبي ما تصدق و انتا تطلع !!!
منظر البنوته:
شعرها حلو و متمشط البكلة على لون
الأواعي و ما بتطلع من البيت إلا شعرها
مسشور على آخر صيحة و اللوووك كامل و
على التكه ...الاواعي زهر أو أحمر أو
ألون حلوة و على البلوزة في باربي أو
وردة و أي حاجة حلوة ...و التنورة مرتبة
و مكوية و على القد !! و الكندرة حلوة و
بتاخد ضبنات العقل ..و على لون
الأواعي و فيها شوية كعب..معها شنتة
صغيرة و بس كبيرة كتيير بس فيها كل شي
بتحتاجه...متلن ( المبرد
.الكريم.خبط.بخاخ للَنفس، ملًبس على طعم النعنع أو
اي حاجة حلوة) و الجزدان صغير و في كمية
من المصاري محطوطين بشكل مرتب ) لما
بتشوف الشنته بسير نفسك تنشلها..
منظر المستبنته:
دايما شعرها منكوش و يمكن تكون مقملة
(أكيد) و معظم الأوقات بكون قصير
شعرها...كل خصلة في لون و في إحتمال تشوف
شيب كمان....بتحط جل على شعرها و
دايما موقفتو أو مش مشتطو ( على هوا
الوقت إلي عندها)...بتغسل وجهها في
المناسبات السعيدة...كل وجهها حب من كتر
ما بتاكل بزر مع الشباب...سنانها صفر
و مسوسين عشانها ما بتدخن إلا
شوي...أواعيها يا بكونو مزعين و مهريين و
حالتهم بالويلة....يا بتكون جالتهم أهون
شوي و يمكن تكون كوت البنطلون
الباجي...و سحلتو...و بلوزتها يا بكون
عليها جمجمة أو صورة مصارع و يمكن تشوف
عليها كلام مؤدب جداً...أو بتكون
بلوزتها رياضية يعني عليها أددس أو نايك او
هيك شي ...طبعا مقيمة عند الحلاق و إلها
سوالف مبيننين...فيعني خود
حزرك...البوت دايما رباطو مفكوك...و
جوعان من قدام و ممزع و بترجاها تشلحو
لانها اخر مرة غسلت رجليها كان
بالمستشفى يوم ما انولدت...و بكون بوتها رياضي
أو ضخم زي الدبابة...

لا تنسو تعليقكم !!!

احمد القديمات