الرئيسية
نكمل قصة تامر والمخيم ...
محمود : اه حبيبي ما قلتلي شو بتسوي هان في المخيم ؟
تامر : ولا شي , عندي شوية بروبليم بحياتي وزي ما تئول تلعت من البيت ومو عارف شو بدي ساوي .
محمود : بتذكر بروبليم ايام المدرسة معناها مشكلة , وشو هالمشاكل يلي خلتك تترك الدار .
تامر : حب حياتي كاتيا تركتني , بابا مو ئابل يجيبلي x5 , ومو عارف حاسس حالي مخنوء ونفسي اتغير .
محمد : ( يلعن ابوك(طوووووووووط) بتسمي هي مشاكل يا ابن ال طوووووووووووط ) طيب حبيبي وشو دخل مشاكلك بجيتك على المخيم ؟؟؟
تامر : ما بعرف شو خلاني اجي هون بس لاني بسمع عنو كتير انو الحياة هون كتير دفرنت وحبيت اشوف بعيني .
محمود : ( هاد اذا ضل الك عيون ) انت شو اسمك وشو بتعمل بحياتك ؟
تامر : اسمي تامر وبيدلعوني رفئاتي تمورة . وبئضي وئتي على النت
وانت شو اسمك ؟
محمود : هلا والله بتامر , انا اسمي محمود الحنش وصحيح النت هاظ بيجيب كل اشي .
تامر : ولكم ميدو , ايه النت بيجيب كل شي , بس كرهتو من بعد ما تركتني كاتيا .
محمود : مين ميدو هاظ
, لتكون بتدلعني , انا اسم دلعي ايام وانا صغير كان ابو خنانة .
بمرقة عوض الاخرس وابراهيم البس : شو يا حنش بدناش نطلع نسكر في المقبرة ؟
محمود : اه يلا وبنوخذ تامر معانا , بعرفك يا تامر عوض الاخرس وابراهيم البس من طعطعجية المخيم وشباب على كيف كيفك وبدنا نروح نسكر في المقبرة فبتروح معنا .
تامر : واو بدنا نعمل اشي شرير انا موافئ
ابراهيم البس : حنش بدي اياك كلمتين جنابي
محمود : اه بس شو في ؟
ابراهيم البس : ولك مين هاظ يلي بدك تجيبو معنا شكلو طنط
لك بدك تفظحنا وتجيب النا الشبهة انت .
محمود : ولك هاظ صيدة ومش عارف وين الله حاطه وشكلو ابن ناس ومعو مصاري خلينا نتسلبط عليه ونسكر على حسابه .
البس : اها مش غلط يا كبير
بيقومو الشباب وبيتوجهو عند ابو الياس عشان يجيبو سكرتهم .
محمود : يييييي نسيت محفظتي في الدار , بس حاسب انت وبعطيك بس نروح .
البس : من وينلي انا , معيش ولا وتكة .
تامر : نو بروبليم شباب انا معي , عمو بتقبل كريدت كارد ؟
ابو الياس : هي بتسخدمها لما تكون بالرابية حبيبي هون بس كاش .
تامر : سوري ئديش بيطلعو تيب .
ابو الياس : 11 ليرة ونص .
تامر : بس , انا فكرت رح يتلعو اكتر عشان هيك ئولتلك كريدت , تفدل عمو
وبتتوجه الشباب على المقبرة وبيوخدلوهم زاوية وبيقعدو , وبيبلش البس يصب ويوزع .
محمود : جربت المشروب قبل هيك يا تامر ؟
تامر : نو هي اول مرة .
محمود : ( حلو كثــير ) , هاظ كونياك محلي , بنسميه مشروب الابطال , عشانه بيخليك بطل زي سوبر ماركت
تامر : نايس كتير وانا بدي اسير بتل الابتال
البس : (علي الطرقيع الا اخليك بطل الابطال وتصير تتشعبط على السور زي الرجل الشعشبون ) .
صب البس اربع كاسات ومسك كل واحد كاسه وبايده .
رفع الحنش الكاس وقال : يلا بصحتكم شباب
تامر : تشيرز , وحط الكاسه على تمو ويا دوب شرب شوي ونزلها وحكا : شو هاد تعمو مش زاكي .
البس : نعم يما , بتفكرنا جايبين عصير فراولة , اقلب كاسك على طول عشان ما تحس فيه , المهم الشعور والمفعول .
وبيقلب تامر الكاس وبيصير يتحرقص زي الحية , وبيضحك عوض الاخرس .
محمود : معلش شوي شوي بتتعود عليه واهم اشي المفعول .
تامر : تعمو مو زاكي وبيحرق كتير
البس : معلش خذ كمان كاس عشان ما تحس .
وبيقلب تامر الكاس الثاني وبيتحقرص زي اول , وبيستمر عوض بالضحك
تامر : شو هااااد كتير بيحرق , ليش هاد بيضحك بس , وبيأشر على عوض .
عوض : ابا ابا ابا .
تامر : يا حرام هاد ما بيحكي
محمود : صحيح ما بيحكي بس بيعجبك بالطوش .
البس : اه تامر بشو حاسس ؟
تامر : ولا شي .
البس : طب خوذ كمان كاس .
وبيقلب تامر كمان كاس .
محمود : ولك يا بس خف شوي عالشب هلكتو
البس : لا بيعجبك تامر بالشرب , بيشرب المحيط ولا بيهمه
تامر : اه انا بشرب وما بيهمني , هات كمان كاس يا بس .
» لماذا يعتبر متجراللورد الوجهة الأمثل لشراء الاشتراكات الرقمية
» صيانة سخانات في دبي 0543747022 emiratefix.com
» صيانة سخانات في دبي 0543747022 emiratefix.com
» تركيب و تصليح سخانات مركزية في عجمان 0543747022
» تركيب و تصليح سخانات مركزية في عجمان 0543747022
» تصليح أفران في دبي 0543747022 emiratefix.com
» تصليح أفران في دبي 0543747022 emiratefix.com
» تصليح ثلاجات في دبي emiratefix.com 0543747022
» تصليح سخانات في دبي - 0543747022 (الشمسية و المركزية) emiratefix.com