اكتشفت
بالاخر انو المسجل هاد مختص بالهندسة وانو كل الواقفين مهندسين ))
صفيت بالطابور وانا بتشاهد ... 3 ساعات بالزبط لحتى وصلت
نص الطابور .... اي لوني واقف بدي اشتري خبز كان شريت ...
كل شوي اللي قدامي يلف علي ويجحرني وانا يخف عقلي ...
منيح اني وراه .. لو قدامه ابصر شو كان ساوى
واخيراً وصلت المسجل .... لسة بدي امد ايدي مشان احطيه
الوراق والا هو يسكر الشباك بخلقتي بدو يطلع يدخن الاخ يالله بنستنى شو ورانا
المهم وانا صاف بالطابور اجت بنت من بعيد .... كل
شوي بتقرب علي بس محلاها شكلها سنفورة
زيي اييه ... هاي كل شوي بتقرب قاعدة شكلها جاي تحكي معي ... يا رب
اني ما اكون
مرتبط
- مرحبا
...
- اهلين اهلين ... تفضلي
- معلش خيو انا كتير مستعجلة وبابا بستناني برا بالسيارة
ممكن اجي أبلك بدي اسجل لتربية الطفل
....
- لا يا شيخ ... اسمعي جاي ... مش يعني مشننك حلوة تييجي
تسوقيني خرووف لا
يا عميي ... لدي جاي ها ... انا من شسمو الصبح واقف عالدور ... وبستنى بالحم مشان تيجي حضرتك تصفي
قبلي عالريح المستريح
...
- لك تيب خلس خلس يعليك شو فضيحة ...
(صوت من الخلف ) يا اخت ... تربية الطفل مش هون ... عند
الشباك اللي جنبنا
بي لو بعرف كان زبطتها
راحت وقفت عالشباك اللي جنب شباك تسجيلنا ....
ما الي عين اتطلع فيها .... يعلي شو كنت وقح
اول ما المسجل فتح الشباك هبت نسمة هوا طيرت الورقة اللي
بايدي وتطيير عند اجر البنت
تطلعت البنت علي وشفت نظرة خبيثة بعينها
يا حبيبي .... شو ممكن تعمل
اجت المحترمة دعست عالورقة وصارت تفرك باجرها بالارض
ووجهها على مسجلها ... على اساس مش بالعمدن
- هيييي هييي يا اخت انتي شو بتساوي .... والله لو بدك
تطفي سيجارة مش هيك
- يي سوري شكلي دعست عليك ... ئصدي عالورئة تبعتك طبعا
نظرات البراءة الكاذبة كانت تشرشر منها
...
-اه اه هاتي الورقة جاي
يا حبيبي والله المسجل غير يشرشحني .... كلها اثار
اجرين الورقة وفي رقم 38 نمرة اجرها ... معقول هسه المسجل يطعميني عصايتين لأني وسخت الورقة
شو قاعد بحكي انا هو انا بعدني بالمدرسة تيطعميني
عصايتين
المسجل : شو هاظ .
انا : هاظ طلب الالتحاق بالجامعة .
المسجل : بعرف بس ليش هيك كلو تراب ومدعوس عليه
انا : لأ بس كان عامل طوشة
المسجل : بالله عليك بتنغش ... روح عبي طلب جديد وصف
آآآآخر الطابور
انا ( بصوت عالي): الله يحرقو اللي كان السبب
(( بنفس اللحظة البنت كانت معبية نموذج الالتحاق غلط
فاضطرت ترجع تعبي واحد جديد )) "فلم هندي ما شاء الله الاحداث "
ربنا كبير واخذلي حقي يا رب يفيظ قلم الحبر تبعها ويعبي
بلوزتها وتروّح متأخرة وما تلاقي ولا باص وتيجي بدها توقف تكسي ما تلاقي وفجأة وهي عالرصيف تشمطها سيارة كيا سيفيا كحلي
شوفيرها واحد مصري تطيرها عالجهة التانية وتيجي بدها تحاول تقوم والا تريللا قاطرة ومقطورة
كل عجالها يطلعو عليها وبعد ما تتعجن تطلع فوقيها مدحلة تخليها هي والارض واحد
انا رايح اجيب طلب جديد ومعصب ومسبّحة معي الدنيا
عبارة عن علبة كبريت حاسسها وانا محكان كاز
مش عارف شو هالشعور بس هيك كنت حاسس
مديت ايدي محل ما بحطو النماذج مشان اطول الطلب وتخبط
ايدي باشي طري .... ايد بني ادم ... بس طرية لفيت وجهي اشوف ايد مين .... والا هي البنت نفسها .... بي محلاها من
قريب حضرني قول الشاعر :
مجعودة الحاجبين الغلاظ الخمال ..... شمتطي بعينيكي نعل
الجـِمال
فنطح البعير أشد واقسى .... من جرحن بسهم رمشك الزبّال.
يسلم ثمك يا شاعر على هيك ابيات رائعة
تذكرت مرة امي حكتلي ... رح ييجي يوم تصادف بنت وتيجي
عينك بعينها وترخص .... لا تخاف يا ابني ... خش عليها خشتك العاطلة .... وزبطها يما يا ولدي ....
( حاسس حالي الكابتن ماجد بلحظة وحدة بتذكر كل الماضي
وهو طاير بالهوا )
مش عارف كيف تحول كل عصبيتي منها لمودة ... يمكن هاي هي
رخصنة الرجال ....
ضحكت بوجهها .... ضحكت
تطلعت بعيونها ... خجلت
شو اعمل يا ربي
شو اعمل
تابعنا اذا حابب تعرف شو ضار معنا
الإثنين 10 يونيو 2024 - 17:06 من طرف Abd
» اداة ذكاء اصطناعي للباحثين وطلاب الدراسات العليا
الجمعة 26 أبريل 2024 - 11:23 من طرف Abd
» وفاة 30/7/2013 : جمال ابراهيم علي الحروب
السبت 30 مارس 2024 - 14:14 من طرف Khaled promo
» جميع حلقات سيف النار
الجمعة 1 مايو 2020 - 8:36 من طرف monusorry
» اسماء المرشحين في انتخابات بلدية خاراس القادمة!!!!!؟؟؟؟
الإثنين 26 أغسطس 2019 - 22:08 من طرف جوليانا
» د.ناصر اللحام رئيس تحرير وكاله معا يصف خاراس
الإثنين 26 أغسطس 2019 - 22:05 من طرف جوليانا
» تهنئة العضو القدير khamdan بالخطوبة
الإثنين 26 أغسطس 2019 - 22:02 من طرف جوليانا
» مشكلة المياه في البلدة والقرى المجاوره
الأحد 25 أغسطس 2019 - 22:35 من طرف جوليانا
» شات عربي
الأحد 25 أغسطس 2019 - 22:16 من طرف جوليانا
» صور من خيمة التضامن مع الاسير ثائر حلاحلة في خاراس
الجمعة 25 مارس 2016 - 23:12 من طرف سامر2015