الرئيسية
السلام عليكم
هذا الموضوع بالنسبه لقريتي قديم شوي لانو قبل العيد الاضحى المبارك كل قريتي قطفت زيتونها ولكن قرى مجاوره لسى ما بلشت قطف زيتونها
بدي احكيلكم شوي عن قطف الزيتون
اكيد عندكم خبره اكتر مني
بس ما بعرف اذا كان القطف نس الاشي بكل البلاد
عنا قبل منقطف الزيتون عن الزيتونه لازم اول شي ننظف الارض كلها من الشوك اذا كان في
طبعا للي محافظ على ارضو ما بيكون في شوك
وبيكون في شي اسمو فله مثل الحصيره او شي مثل السجاده ولكنها مصنوعه من النايلون خيطان نايلون منسوجه
مثل الفله الي مبينه بالصوره (لونها اخضر)
وبنفرد حوالي الزيتونه حتى ما يكون على الارض كتير والاولاد تموت وهي تجول (تجوّل يعني تلقط الحب الزيتون من على الارض التراب )
وانو بتبلش الشبان بكت الزيتونه (كت يعني ما بعرف بالضبط شو معناها انو يعني ينزل الحب من على الشجره للارض بالعصا ) بالشقشيقه يعني بالعصاي اسمها شقشيقه
وبنجمع الفلات على بعض وبنحط الزيتون على فله وحده وعامل شطور زيي كنت بصنف الحب بفصلها عن الاشياء اللي مش حب يعني انو بس حب لحالو يكون نظيف على الفله بدون اي قصف يعني اغصان صغيره كبيره شوك احجار الخ من اشياء بتلاقيها بالسهل
وانو بالاخر بعبي الزيتون نظيف بالشوالات طبعا بتعرفو شو هي الشوالات ظاهره بالصوره اعلاه اكياس كبيره لونها ابيض
انا بفسر كلامي لانو بخاف يكون ببلادكم الها معاني تانيه مش لا سمح الله اني بفكر انكم ما بتعرفو الزيتون ولكو انتو المعلميين
المهم شو كنت احكي نسيتوني
مممممممممممم
اه صحيح بالاخر بعد التعب بنعيين دور بالمعصره او البابور هذول اسم مكانين بنعصر فيه الزيتون
انا عن طريق البابوور بواسطه الحجر المدور الكبير بيدعس على الزيتون وبيعصره او بالمعصره بصراحه ولا مره بحياتي فتتها ما بعرف كيف الزيتون بينعصر هناك المهم بالاخير بيطلع منها (للمعصره) زيت زيتون بلادي
اطيب زيت
وصحتين وعافيه
هاي قصيده كتبتها للزيتون شوفوني شاطره بالشعر؟
بدي رأيكم
يا ايادي للاعالي تمتد تسأل الله كل خير
منك تتغذى اجسادنا من ثمارك كله خير
يا شجرة بوركت من رب رحمان قدير
وهبتنا من الحَب حب و شوق أسير
بايادينا تتحرر من قلب للبهجة فقير
فللشجرة فوائد عدّة وكم منا بالشجرة خبير
حتى لو كان الزيتون اخضر وان كان جرجير**
يهوى ملكه كل الناس فلاح ان كان او امير
جرجير يعني الزيتون الي وقع عن امو وهو صغير واصبح يابس وسمي بالجرجير يعني زيتون ميت مش طازه واخضر
بتمنى الموضوع يعجبكم
اسفه اذا عاميتي ضايقتكم
حبيت الطرح يكون بالعاميه لانو بعتقد بيكون قريب الكو اكتر
ولا كيف؟؟
احترامي الكو يا موطن الزيتون
هذا الموضوع بالنسبه لقريتي قديم شوي لانو قبل العيد الاضحى المبارك كل قريتي قطفت زيتونها ولكن قرى مجاوره لسى ما بلشت قطف زيتونها
بدي احكيلكم شوي عن قطف الزيتون
اكيد عندكم خبره اكتر مني
بس ما بعرف اذا كان القطف نس الاشي بكل البلاد
عنا قبل منقطف الزيتون عن الزيتونه لازم اول شي ننظف الارض كلها من الشوك اذا كان في
طبعا للي محافظ على ارضو ما بيكون في شوك
وبيكون في شي اسمو فله مثل الحصيره او شي مثل السجاده ولكنها مصنوعه من النايلون خيطان نايلون منسوجه
مثل الفله الي مبينه بالصوره (لونها اخضر)
وبنفرد حوالي الزيتونه حتى ما يكون على الارض كتير والاولاد تموت وهي تجول (تجوّل يعني تلقط الحب الزيتون من على الارض التراب )
وانو بتبلش الشبان بكت الزيتونه (كت يعني ما بعرف بالضبط شو معناها انو يعني ينزل الحب من على الشجره للارض بالعصا ) بالشقشيقه يعني بالعصاي اسمها شقشيقه
وبنجمع الفلات على بعض وبنحط الزيتون على فله وحده وعامل شطور زيي كنت بصنف الحب بفصلها عن الاشياء اللي مش حب يعني انو بس حب لحالو يكون نظيف على الفله بدون اي قصف يعني اغصان صغيره كبيره شوك احجار الخ من اشياء بتلاقيها بالسهل
وانو بالاخر بعبي الزيتون نظيف بالشوالات طبعا بتعرفو شو هي الشوالات ظاهره بالصوره اعلاه اكياس كبيره لونها ابيض
انا بفسر كلامي لانو بخاف يكون ببلادكم الها معاني تانيه مش لا سمح الله اني بفكر انكم ما بتعرفو الزيتون ولكو انتو المعلميين
المهم شو كنت احكي نسيتوني
مممممممممممم
اه صحيح بالاخر بعد التعب بنعيين دور بالمعصره او البابور هذول اسم مكانين بنعصر فيه الزيتون
انا عن طريق البابوور بواسطه الحجر المدور الكبير بيدعس على الزيتون وبيعصره او بالمعصره بصراحه ولا مره بحياتي فتتها ما بعرف كيف الزيتون بينعصر هناك المهم بالاخير بيطلع منها (للمعصره) زيت زيتون بلادي
اطيب زيت
وصحتين وعافيه
هاي قصيده كتبتها للزيتون شوفوني شاطره بالشعر؟
بدي رأيكم
يا ايادي للاعالي تمتد تسأل الله كل خير
منك تتغذى اجسادنا من ثمارك كله خير
يا شجرة بوركت من رب رحمان قدير
وهبتنا من الحَب حب و شوق أسير
بايادينا تتحرر من قلب للبهجة فقير
فللشجرة فوائد عدّة وكم منا بالشجرة خبير
حتى لو كان الزيتون اخضر وان كان جرجير**
يهوى ملكه كل الناس فلاح ان كان او امير
جرجير يعني الزيتون الي وقع عن امو وهو صغير واصبح يابس وسمي بالجرجير يعني زيتون ميت مش طازه واخضر
بتمنى الموضوع يعجبكم
اسفه اذا عاميتي ضايقتكم
حبيت الطرح يكون بالعاميه لانو بعتقد بيكون قريب الكو اكتر
ولا كيف؟؟
احترامي الكو يا موطن الزيتون
» صيانة سخانات في دبي 0543747022 emiratefix.com
» تركيب و تصليح سخانات مركزية في عجمان 0543747022
» تركيب و تصليح سخانات مركزية في عجمان 0543747022
» تصليح أفران في دبي 0543747022 emiratefix.com
» تصليح أفران في دبي 0543747022 emiratefix.com
» تصليح ثلاجات في دبي emiratefix.com 0543747022
» تصليح سخانات في دبي - 0543747022 (الشمسية و المركزية) emiratefix.com
» تركيب و تصليح سخانات مركزية في الشارقة 0543747022
» اداة ذكاء اصطناعي للباحثين وطلاب الدراسات العليا