قصة الملك وبناته

كان يا مكان في قديم الزمان ملك عنده ثلاث بنات حب في يوم من الايام ان يختبر حبهم اله جاب البنت الكبيرة وقالها: يابا يا حبيبتي قديش بتحبي ابوك الملك البنت من غير تفكير بحبك قد ما السمك بحب البحر
فكر الملك وقال في باله ايهو السمك بقدر يعيش بدون البحر وقال لها:كنت عارف انك بتحبييني بس مش لهدرجة وقام اعطاها مجوهرات وقصر
وجاب البنت التانية وسألها نفس السؤال وقالتله بحبك قد ما الطير بحب السما انبسط الزلمة وكيف واعطاها قصر جنب اختها ومجوهرات
بعدين جاب البنت الصغيرة (اخر العنقود واللي بموت فيها )وسألها نفس السؤال وقالتله بحبك قد ما زيت بحب الزعتر الملك زعل وعصب وقام لفحها كف ومسكها من شعرها ورماها بره القصر وما رضي يسمع منها ولا كلمة
البنت دارت في طرق لغاية ما جاها مزارع مسكين حبها وحبته وراحو وتزوجوا وسكنوا في كوخ بنص الغابة
ودارت الايام وفي يوم من الايام كان الملك بصيد في الغابة ونسي حاله وسرح وضاع دور على المرافقين ولا هم هون ظل الملك يمشي ويمشي لغاية ما لقي الكوخ وقال بفوت وبرتاح وباكل لقمة ودق الباب فتحلوا صاحب البيت وكان مش عارف انو الملك ودخل وصار يحكي المللك مع الزلمة اما مرته كان صش خافي عليها الصوت(كانت مرته مين طبعا واضح بنت الملك المقصوفة الصفيرة )
قام الزلمة بيقول للمرته اذبحلينا جاجتين نتعشى ونعشي الزيت وبدت تشتغل في الجاجات وخطر على بالها فكرة نادت جوزها وقالتله خوذ صحنين الزيت والزعتر سلكوا فيهم على ما ابين اخلص الاكل
وراح الزوج قدم هالصحنين للزلمة واكل واكل حتى شبع بعد حيك اذكر الملك كلام بنته الصغيرة وصار يبكي وسأله الزلمة ليش تبكي وقاله قصته مع بناته خصوصا الصغيرة وهو خلص من هون نطت البنت وقالت بخ كيفك يابا اعرفت قديش بحبك يا فالح

يسلموا